Furmaziun professiunala superiura

Noziuns-clav : Furmaziun professiunala svizra / Mobilitad e barat / Regulaziun da la furmaziun professiunala

La furmaziun professiunala superiura fa part dal stgalim terziar. Ella porscha scolaziuns per champs da lavur pretensius e per funcziuns directivas e serva a la scolaziun da cader ed a la spezialisaziun da glieud da professiun.

Tar la furmaziun professiunala superiura tutgan scolaziuns

  • da las scolas spezialisadas superiuras

  • sco er ils examens professiunals federals ed ils examens professiunals federals superiurs.

La furmaziun professiunala superiura è ina particularitad svizra. Sias scolaziuns e ses diploms n'èn betg uschè enconuschents a l'exteriur en pajais senza sistem dual da la furmaziun professiunala, perquai che las scolaziuns correspundentas vegnan absolvidas en blers pajais a scolas autas. Per rinforzar la furmaziun professiunala superiura ha il SEFRI, ensemen cun ils partenaris da la furmaziun professiunala, elavurà denominaziuns englaisas per ils diploms da la furmaziun professiunala superiura.

Questa pagina per: Deutsch Français Italiano English

Ultima actualisaziun da questa pagina: 15.03.2018

Job