Scolas autas spezialisadas

Noziuns-clav : Accreditaziun da las scolas autas / Coordinaziun en il sectur da las scolas autas / Sistem europeic da transferiment da credits academics (ECTS) / Mobilitad e barat / Process da Bologna

Ultra da las scolas autas universitaras ha la Svizra anc in segund tip da scola auta, las scolas autas spezialisadas. Las scolas autas spezialisadas porschan scolaziuns orientadas a la pratica ed a l'applicaziun cun diploms che cuntegnan qualificaziuns professiunalas. Tar lur purschida tutgan studis da bachelor e da master orientads a la pratica en differents champs sco er ina vasta paletta da furmaziuns supplementaras. I dat set scolas autas spezialisadas regiunalas da dretg public ed ina scola auta spezialisada privata.

Las scolas autas spezialisadas porschan in access ad in studi ad ina scola auta en spezial a glieud da professiun che ha fatg ina furmaziun fundamentala professiunala e supplementarmain ina maturitad professiunala.

L'incarica da prestaziun da las scolas autas spezialisadas cumpiglia la teoria (scolaziun e furmaziun supplementara), la perscrutaziun ed il svilup orientads a l'applicaziun, il servetsch a favur da terzas persunas sco er la collavuraziun cun las scolas autas e cun ils instituts da perscrutaziun en Svizra ed a l'exteriur. Pervia da lur scolaziuns orientadas a la pratica e pervia da lur perscrutaziun orientada al champ professiunal tutgan las scolas autas da pedagogia (SAP) tar il tip da scola auta «scola auta spezialisada».

Questa pagina per: Deutsch Français Italiano English

Ultima actualisaziun da questa pagina: 20.03.2018

Job