Stgalim secundar II

Noziuns da clav: Expensas dal maun public per la furmaziun / Soluziuns transitoricas / Manaschament da cas tras la furmaziun professiunala / Midada dal stgalim secundar I - stgalim secundar II / Svilup e garanzia da la qualitad en il sectur da furmaziun / Mobilitad e barat / Cussegliaziun da professiun, da studi e da carriera

Suenter avair frequentà la scola obligatorica, passan ils giuvenils al stgalim secundar II. Il stgalim secundar II vegn dividì en scolaziuns da furmaziun generala ed en talas da furmaziun professiunala.

  • Ils studis da furmaziun generala vegnan fatgs a las scolas da maturitad gimnasiala ed a las scolas medias spezialisadas. Els na qualifitgeschan betg per la professiun e preparan per studis al stgalim terziar.

  • En la furmaziun fundamentala professiunala emprendan ils giuvenils ina professiun. En general vegn la furmaziun absolvida en manaschis d'emprendissadi e cumplettada d'ina instrucziun en scola. Ella po dentant er vegnir fatga dal tuttafatg en ina scola speziala.

Suenter il stgalim secundar I cumenza la gronda part dals giuvenils cun ina furmaziun professiunala. Ils giuvenils termineschan il stgalim secundar II en la vegliadetgna da 18/19 onns e survegnan in certificat final correspundent. Tut en tut fan passa 90% dals giuvenils in diplom dal stgalim secundar II.

Per optimar la transiziun da la scola obligatorica al stgalim secundar II èn vegnidas prendidas differentas mesiras (accumpagnament individual, manaschament da cas tras la furmaziun professiunala e.u.v.). Per giuvenils che na chattan nagina soluziun da cuntinuaziun directa suenter la scola obligatorica, stattan a disposiziun soluziuns da cuntinuaziun sco soluziuns transitoricas.

Questa pagina per: Deutsch Français Italiano English

Ultima actualisaziun da questa pagina: 20.07.2017

Job