Management da cas furmaziun professiunala

Il management da cas furmaziun professiunala è ina procedura che metta a disposiziun mesiras per giuvenils, dals quals l'entrada en il mund professiunal è periclitada fermamain. En quest connex duain ils giuvenils vegnir registrads ad ura ed integrads en in accumpagnament structurà. Questas mesiras pon avair lieu durant la fasa per chattar la dretga professiun, durant la midada da la scola obligatorica al stgalim secundar II sco er durant la furmaziun fundamentala professiunala u suenter quella. In post responsabel per il cas procura per in proceder tenor plan, coordinà e controllà, e quai sur ils cunfins instituziunals ora. La finamira dal management da cas furmaziun professiunala è d'impedir ch'ils giuvens crodian or dal sistems da furmaziun respectivamain da gidar ch'els fetschian in emprim diplom postobligatoric e s'integreschian en il mund da lavur. Installà vegn il management da cas tras ils chantuns. Els vegnan sustegnids da la Confederaziun, d'organisaziuns dal mund da lavur e d'ulteriuras instituziuns.

Questa pagina per: Deutsch Français Italiano English

Ultima actualisaziun da questa pagina: 08.06.2018

Services

Job