Mobilitad e barat

Movetia è – sco agentura svizra per il barat e la mobilitad – cumpetenta per ina purschida cumplessiva da programs svizzers, europeics ed extraeuropeics. La purschida sa drizza tranter auter a scolaras e scolars sco er a classas da la scola obligatorica e dal stgalim secundar II, ad emprendistas ed emprendists da la furmaziun fundamentala professiunala, a studentas e students, a glieud giuvna da professiun, a persunas ed ad organisaziuns che lavuran en il sectur da furmaziun ubain a giuvenils u a persunas ch'èn activas en la lavur cun giuvenils u en organisaziuns da giuvenils. Tscherts programs cumpiglian er la furmaziun da persunas creschidas e la furmaziun supplementara. Movetia promova d'ina vart il barat cultural sco er il barat linguistic tranter las regiuns linguisticas da la Svizra e da l'autra vart il barat e la mobilitad cun pajais europeics ed extraeuropeics.


Dapi l'onn 2011 è la Svizra sa participada sco pajais associà als programs da furmaziun, da furmaziun professiunala e da giuventetgna da la UE. Uschia han burgaisas svizras e burgais svizzers pudì sa participar a tut las acziuns ch'èn vegnidas realisadas en il rom da quests programs. L'onn 2014 ha la soluziun transitorica per Erasmus+ remplazzà la participaziun cumpletta da la Svizra al program europeic per la furmaziun generala e professiunala, giuventetgna e sport. La soluziun transitorica è vegnida manada vinavant mintga onn fin l'onn 2017. Per ils onns 2018 fin 2020 dumonda il Cussegl federal en ina missiva per mauns dal parlament da mantegnair ina soluziun parallela svizra fin che la dumonda d'ina nova associaziun al program europeic a partir da l'onn 2021 è sclerida.

Questa pagina per: Deutsch Français Italiano English

Ultima actualisaziun da questa pagina: 08.06.2018

Services

Job