Nova concepziun dals onns finals dal stgalim secundar I

Per preparar ils giuvenils il meglier pussaivel per la midada al stgalim secundar II han differents chantuns cumenzà a concepir da nov ils onns finals dal stgalim secundar I. En quest connex po la situaziun da las scolaras e dals scolars vegnir analisada gia a la fin dal segund ultim onn da la scola secundara. Uschia pon las scolaras ed ils scolars vegnir promovids sistematicamain durant l'ultim onn da la scola secundara cun mesiras individualas. I vegnan rinforzadas lur cumpetenzas u eliminads deficits da l'emprender. Lavurs da project e lavurs da finiziun u portfolios cun in profil da prestaziun persunal dals giuvenils pon servir tranter auter als manaschis d'emprendissadi per giuditgar meglier la qualificaziun dals giuvenils per ina plazza d'emprendissadi. Differents chantuns adattan en quest connex ils cuntegns e la metodica da l'instrucziun da la tscherna da professiun e da la preparaziun per la professiun ed intensiveschan la collavuraziun tranter la famiglia, la scola, la cussegliaziun professiunala e l'economia.

Questa pagina per: Deutsch Français Italiano English

Ultima actualisaziun da questa pagina: 08.06.2018

Services

Job