Purschidas transitoricas
La Lescha federala davart la furmaziun professiunala (LFPr) prevesa ch'ils chantuns prendian mesiras per preparar giuvenils, che han deficits individuals da furmaziun a la fin dal temp da scola obligatoric, per la furmaziun fundamentala professiunala. Per giuvenils che na pon betg cumenzar – suenter ch'els han terminà il stgalim secundar I – betg directamain ina furmaziun fundamentala professiunala u ina scola da cuntinuaziun dal stgalim secundar II pudair, stattan a disposiziun purschidas transitoricas.
Tras questas purschidas transitoricas duain ils giuvenils pudair chattar la dretga professiun e s'integrar en il mund da lavur, ed els duain vegnir preparads per entrar en la furmaziun professiunala u en scolas da furmaziun generala dal stgalim secundar II. Uschia vegnan promovidas qualificaziuns centralas e serradas largias individualas. Purschidas transitoricas èn facultativas e ston tut tenor vegnir pajadas. Ellas enconuschan proceduras d'admissiun specificas. Per regla duran ellas fin ad 1 onn.
Da las purschidas transitoricas datti differents models, tranter auter:
-
purschidas da scola: intermediaziun d'ina furmaziun generala senza part pratica
-
purschidas transitoricas d'integraziun: instrucziun per giuvenils da lingua estra cun in pais spezial sin l'acquist da la lingua naziunala sco er sin l'integraziun en la vita sociala, per part cun praticums
-
emprendissadis preliminars: activitad pratica en in manaschi cumbinà cun ina part da scola
-
curs preliminars sco furmaziun preliminara per ina tscherta scolaziun, sco p.ex. in curs preliminar per scolaziuns dal sectur creativ
Ulteriurs links
