Renconuschientscha da diploms da la furmaziun da persunas d'instrucziun

La Conferenza svizra dals directurs chantunals da l'educaziun publica (CDEP) renconuscha studis che mainan ad in diplom d'instrucziun (stgalim preliminar, stgalim primar, stgalim secundar I e scolas da maturitad) u ad in diplom dal sectur da la pedagogia speziala (educaziun prescolara pedagogic-curativa, pedagogia curativa da scola, logopedia, terapia da psicomotorica). La basa legala èn il Concordat davart la renconuschientscha da certificats da scolaziun da la CDEP ed ils reglaments da renconuschientscha per las differentas scolaziuns. Il dretg davart la renconuschientscha da diploms regla la renconuschientscha dals diploms professiunals sin nivel naziunal sco er la controlla da la qualitad da la scolaziun e dals diploms.


Ils reglaments da renconuschientscha per ils differents studis cuntegnan pretensiuns minimalas tranter auter concernent las finamiras ed ils cuntegns da la scolaziun, la dimensiun dal studi, las premissas d'admissiun sco er la qualificaziun da las docentas e dals docents. La CDEP renconuscha mo studis che correspundan a las premissas dals reglaments da renconuschientscha. Ils chantuns s'obligheschan da pussibilitar a tut las titularas ed a tut ils titulars d'in certificat da scolaziun renconuschì il medem access a la professiun.

Questa pagina per: Deutsch Français Italiano English

Ultima actualisaziun da questa pagina: 08.06.2018

Services

Job