Stgalim fundamental e stgalim da basa (Grund- und Basisstufe)

Il stgalim fundamental ed il stgalim da basa èn furmas d'organisaziun che collian pli ferm la scolina ed ils emprims onns da la scola primara. Il stgalim fundamental reunescha ils dus onns da scolina cun l'emprim onn da la scola primara, il stgalim da basa ils dus onns da scolina cun ils emprims dus onns da la scola primara. La midada entaifer quests stgalims è flexibla, tut tenor il stadi da svilup da l'uffant. Las classas cun uffants da differentas vegliadetgnas vegnan instruidas d'in team multiprofessiunal tenor il princip da team-teaching. I na dat pli nagina cesura tranter la scolina e la scola primara. Ils uffants vegnan famigliarisads pass per pass cun la moda d'emprender en scola e cun las basas da las cumpetenzas socialas. In'emprima manifestaziun da l'emprender en scola duai – tut tenor il svilup da l'uffant – esser pussaivla gia a partir dal cumenzament da questa furma da scola. La midada da l'emprender tras il gieu a l'emprender sistematic succeda en moda fluida. Ils chantuns decidan davart la dumonda, co ch'ils emprims onns da scola duain esser organisads (scolina, stgalim fundamental u stgalim da basa). Cun in project cuminaivel han plirs chantuns da la Svizra tudestga fatg emprovas per concepir da nov il stgalim da scola inizial.

Questa pagina per: Deutsch Français Italiano English

Ultima actualisaziun da questa pagina: 26.02.2019

Services

Job