Stgalim terziar
Noziuns-clav : Furmaziun professiunala svizra / Coordinaziun en il sectur da las scolas autas / Svilup e garanzia da la qualitad en il sectur da furmaziun / Mobilitad e barat / Cussegliaziun da professiun, da studi e da carriera / Expensas per la furmaziun
Al stgalim terziar porscha il sistem da furmaziun svizzer ina vasta paletta da scolaziuns e da studis che pon vegnir absolvids ad ina scola auta u en il rom da la furmaziun professiunala superiura.
Tut tenor il tip da scola auta porschan las scolas autas differents studis d'ina direcziun academica ubain studis che s'orienteschan a la pratica. Tut tenor la scola auta vegn l'admissiun concedida per regla sin basa d'in attestat da maturitad gimnasiala u sin basa d'in attestat federal da maturitad professiunala (autras admissiuns èn pussaivlas). La Svizra ha las suandantas scolas autas:
-
scolas autas universitaras: universitads chantunalas e scolas politecnicas federalas (SPF)
-
scolas autas spezialisadas
-
scolas autas da pedagogia
La furmaziun professiunala superiura pussibilitescha en spezial a glieud da professiun cun ina furmaziun fundamentala professiunala terminada da spezialisar e d'approfundar las enconuschientschas spezialisadas. La furmaziun professiunala superiura porscha las suandantas scolaziuns:
-
examens professiunals federals ed examens professiunals federals superiurs
-
diploms da las scolas spezialisadas superiuras
Ulteriurs links
