Structuras dal di

Structuras dal di cumplementaras a la famiglia sustegnan las famiglias, servan a la cumpatibilitad da la professiun cun la famiglia e gidan ad integrar ed a socialisar uffants che derivan da famiglias cun pauca furmaziun u da famiglias immigradas. Ils chantuns e las vischnancas èn cumpetents per reglar la tgira d'uffants cumplementara a la famiglia. Latiers tutgan tranter auter: centers dal di per uffants, famiglias dal di, canortas d'uffants, gruppas da gieu sco er purschidas sco la tgira tras persunas parentas, tras persunas enconuschentas u tras persunas privatas pajadas. En il sectur da la scola obligatorica datti tranter auter scolas dal di, maisas da mezdi assistidas, uras da recepziun avant u suenter l'instrucziun u agid assistì per far lezias e pensums. Questas purschidas èn facultativas. Ils geniturs che vulan profitar da quellas sa participeschan per regla als custs.


La Cunvegna interchantunala davart l'armonisaziun da la scola obligatorica (concordat HarmoS) oblighescha ils chantuns participants da metter a disposiziun durant la scola obligatorica ina purschida da structuras dal di confurm als basegns.

Autras noziuns da clav

Questa pagina per: Deutsch Français Italiano English

Ultima actualisaziun da questa pagina: 17.12.2018

Services

Job